• 六子山

領先股現見頂訊號,美股牛市或已結束

蘋果及亞馬遜近十年一直都是美股的領先股,如果投資者由世紀初持有至今年高位計,兩者回報均有幾十倍,相當和味。但觀察蘋果及亞馬遜由2000年至今用月為單位的股價圖可以發現,兩者由17年起都出現一段急升,然後今年見高位後大跌,上下波幅亦忽然加大。


筆者其中一個會留意的技術走勢見頂訊號,正正就是資產價格在升市尾段格價急升急跌,波幅加大。上年比特幣,又或者07年恆指見頂時就曾出現相同走勢。


大市必定由領先股主導,領先股升,大市升,領先股唔升,大市難有作為。例如騰訊在今年的表現就是一例。現在美國領先股不單止無法再創新高,在長期走勢上更出現見頂訊號,這對美股大市來講是一個大警號。如果由聯儲局QE救市起計,美股大市已經升了九年,美股這隻肥牛好可能會同大家講Bye Bye了。


帶返個頭盔講,有一派技術分析會用log睇圖。用log睇的話,蘋果及亞馬遜長期股價並無異樣,但以筆者的睇圖經驗來說,log圖用在期貨會比用在股票適合。



蘋果及亞馬遜長期股價圖





  • Grey Twitter Icon
  • Grey Facebook Icon

© Copyright HexaSummit

立即訂閱,掌握最新最快的實戰攻略